Бөлүмдөр
Жума, 18-октябрь
Баткен облусу 24.11.2014 13:04

Баткенде кол салуу болгон жеке ишкер ден-соолугунун оор абалына байланыштуу Улуттук госпиталга которулду

Turmush -  Баткен шаарында 16-ноябрь күнү кол салуу болгон жеке ишкер 1958-жылы туулган Асылкан Шүкүрова ден-соолугунун оор абалына байланыштуу Бишкек шаарындагы Саламаттыкты сактоо министрлигинин Улуттук госпиталына которулду. Бул тууралуу Turmush басылмасына Баткен облустук бириктирилген ооруканасынын башкы дарыгери Тургунбай Айжигитов билдирди.

Мурда маалымдалгандай, Баткен шаарынын тургуну 61 жаштагы Абдыкутуз Шукуров бычактан алган көп сандагы жаракатынан улам жандандыруу бөлүмүнө келип түшкөн.

Turmush басылмасына нөөмөттөгү дарыгер Сапар Сатыбалдиев билдиргендей, жабыркоочу эртең менен саат 7:40та келип түшкөн. А.Шүкүровдун башы жана муруну бычак менен кесилген. Ошондой эле, денесине да бир нече ирет бычак сайылган.

Дарыгердин айтымында, жабыр тартуучунун абалы оор, бирок туруктуу. Бүгүн анын өпкөсүнө операция жасалды.

Turmush басылмасына нөөмөттөгү травматолог дарыгер Абдилазиз Асанов билдиргендей, бүгүн 24-ноябрда Баткен шаарында кол салуу болгон Асылкан Шүкүрова бириктирилген облустук оорукананын травматология бөлүмүнө алынып келинген.

Жабыр тартуучу ээгиндеги кесиктер жана мээсинин чайкалуусу менен жеткирилген.

Дарыгердин айтымында, жаракат терең болуп, бирок бычак кекиртегине жетпей калгандыктан А.Шүкүровага кичи операция жасалды. Учурда анын абалы орточо туруктуу.

Маселенин тарыхы:

Буга чейин Баткен шаарында 16-ноябрь күнү жеке ишкерлердин үй-бүлөсүнө кол салуу болгон.

Баткен ШИИБдин башчысынын орун басары Абдусалам Юлдашев Turmush басылмасына маалымдагандай, кол салуу бүгүн таңкы саат 5-6 чамасында болгон. Үй-бүлө Турмаматов көчөсүндө жашаган.

Маалыматка ылайык, белгисиз адамдар 50-60 жаштагы аялга жана анын 60 жаштагы жолдошуна бычак сайып кетишкен. Алар алган жаракатынан улам Баткен облустук бириктирилген ооруканасына жеткирилген.

Баткен ШИИБдин башчысынын орун басары билдиргендей, аталган факт боюнча кылмыш иши козголуп, тергөө амалдары жүрүүдө.

Айрым маалыматтарга ылайык, үй-бүлө шаардагы мейманканалардын бирине ээ.

Тема боюнча: Баткенде кол салуу болгон ишкерге операция жасалды, абалы оор, - дарыгер 

Баткенде бычактап кетишкен ишкердин ден-соолугунун абалы оор бойдон калууда (фото)

Баткенде кол салуу болгон ишкер айым А.Шүкүрова ооруканага ээгинен бычактан жаракат алып жана мээси чайкалып түшкөн

Баткенде кол салуу болгон үй-бүлө үстөккө акча берүү менен алектенишкен

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×