Бөлүмдөр
Шейшемби, 21-январь
Баткен облусуЛейлек району 06.01.2020 09:10

6-7-8-январда Чүй, Ош, Жалал-Абад, Баткен облустарында кар жаашы ыктымал

Иллюстрациялык сүрөт
Иллюстрациялык сүрөт

Turmush -  Бүгүн, 6-январда Ош, Жалал-Абад, Баткен, Чүй, Талас облустарынын тоолуу райондорунда кар жаашы ыктымал. Бул тууралуу ӨКМден билдиришти.

Маалыматка караганда, өрөөндөрдө жана Ысык-Көл, Нарын облустарында жаан-чачын болбойт. 6-7-январда батыштан соккон шамалдын ылдамдыгы секундасына 4-9 метрге, кээ бир райондордо 15-20 метрге чейин жетиши мүмкүн.

7-8-январда түнкүсүн көпчүлүк аймактарда мезгил-мезгили менен кар жаашы мүмкүн. Чүй, Ош, Жалал-Абад, Баткен облустарынын тоолуу райондорунда жана Ысык-Көл облусунун чыгыш тарабында жаан-чачын катуу жаашы ыктымал. Жолдор тайгак жана тоңголок болуп, кар күрткүсү жаралат.

8-январда күндүз Чүй, Жалал-Абад облустарынын көпчүлүк аймактарында, Талас, Ош, Баткен, Ысык-Көл, Нарын облустарынын кээ бир райондорунда кар жаашы мүмкүн.

9-январда түнкүсүн Чүй, Ысык-Көл облустарынын тоолуу райондорунда кар жаашы ыктымал.

10-январда жаан-чачын болбойт. 11-январда кээ бир райондордо кар жаашы мүмкүн. Абанын температурасы өзгөрүлүп турат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×