Бөлүмдөр
Шейшемби, 10-декабрь
Баткен облусу, Исфана 14.11.2019 17:03

Москвада бычакталып каза болгон жаш жигит Исфанада жерге берилди

Turmush -  Москвада бычакталып каза болгон 24 жаштагы А.С. бүгүн, 14-ноябрда Баткендин Исфана шаарында жерге берилди. Бул тууралуу жергиликтүү тургундар билдирди.

Маалыматка караганда, аны Москвада белгисиз адамдар бычактап кетишкен. Денеси Москвадагы «Лейлек» коомунун көмөгү менен туулган жерине жеткирилген. Ал 6 бир туугандын экинчиси болгон. 2 жылдан бери Москвада иштеп жүргөн.

Окуя тууралуу:

Буга чейин 12-ноябрда Россиянын Москва шаарындагы оорукананын жанынан кыргызстандык жарандын жансыз денеси табылгандыгы кабарланган. Ал бычактан алган жаракатынан каза болгонун «Москва» маалымат агенттиги укук коргоо органдарындагы булактарга шилтеме берүү менен билдирген болчу.

Жалпыга маалымдоо каражаттарынын маалыматына караганда, 11-ноябрга караган түнү Шелепихин көчөсүндөгү оорукананын жанынан бычактан жаракат алган адам табылганы тууралуу маалымат түшкөн.

«Айтылган дарекке барган ыкчам топ 24 жаштагы кыргызстандык жарандын денесин табышты. Анын оң буту жана денеси бычактан жаракат алган», - деп айтылган маалыматта.

Алдын ала маалыматтарга караганда, кыргызстандык жаранды кара куртка жана кара баш кийим кийген азиат түспөлүндөгү 2 адам бычактап кеткен

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×