Бөлүмдөр
Жума, 15-ноябрь
Баткен облусуЛейлек району 29.10.2019 12:44

Лейлек аймактык ооруканасы 1,8 млн сомго көмүр менен жылытуу системасына өттү

// Turmush

Turmush -  Быйыл Лейлек аймактык ооруканасы көмүр менен жылытуу системасына өтүүдө. Бул тууралуу аталган оорукананын жетекчиси Асан Кожомов билдирди.

Буга чейин оорукана электр энергиясы менен жылытылып келген жана жылына электр энергиясы үчүн 2,5 млн сом акча сарпталчу. Чыгым Милдеттүү медициналык камсыздандыруу фонду тарабынан каржыланчу. Быйыл аймактык ооруканада кошумча төрөт бөлүмү ачылган. Ошондуктан көмүр менен жылытуу системасынын имараты курулуп, эки чоң от казан орнотулуп, кышка карата даярдыктар жүрүүдө.

Асан Кожомовдун айтымында, көмүр менен жылытуу системасына өтүү үчүн 1 млн 800 миң сом сарпталган. Жылуулук 15-ноябрдан баштап бериле баштайт. Быйыл 160 тонна көмүргө тендер жарыяланып, аны жеке ишкана 6 миң 700 сомдон (1 тоннасы) алып келип берген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×