Бөлүмдөр
Дүйшөмбү, 16-сентябрь
Баткен облусуКадамжай району 07.09.2019 18:15

Кадамжайдын Ноогардан айылында спирт ичимдиктерин сатууга тыюу салынды

Turmush -  Кадамжай районунун Ноогардан айылынын тургундары айылда спирт ичимдиктерин сатууга тыюу салды. Бул тууралуу жергиликтүү тургундар билдирди.

Маалым болгондой, кечээ, 6-сентябрда Кадамжай районунун Халмион айыл аймагына караштуу Ноогардан айылынын эли айылда спирт ичимдиктеринин сатылуусуна тыюу салган. Тактап айтканда, айыл аксакалдары айылдагы спирт ичимдиктеринин айынан болуп жаткан ар кандай окуялардан кийин өз ара демилге көтөрүшкөн. Аны жергиликтүү калк туура кабыл алып, спирт ичимдик саткан дүкөндөрдөн спирт ичимдиктерди өз каражаттарына сатып алышып, талаага алып барып талкалашкан.

Андан сырткары элге аксакалдар тарабынан спирт ичимдиктеринин кесепеттери тууралуу түшүндүрүү иштери жүргүзүлдү. Мындан улам айыл эли спирт ичимдиктерин айылдагы дүкөндөрдө сатылуусуна бөгөт коюу демилгесин колдошкон.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×