Бөлүмдөр
Дүйшөмбү, 16-сентябрь
Баткен облусу, Баткен 30.08.2019 13:22

Баткенде экологиялык таза айыл чарба продукцияларынын көргөзмөсү өтүп жатат

Turmush -  Бүгүн, 30-августта Баткенде облустагы айыл чарба продукцияларын тааныштыруу үчүн атайын көргөзмө уюштурулду. Бул тууралуу облус жетекчилиги кабарлады.

Айыл чарба, тамак-аш өнөр жайы жана мелиорация министрлигинин органикалык айыл чарба департаментинин директору Жанаркан Бакированын айтымында, иш-чарага журналисттер, дыйкандар, жергиликтүү бийлик өкүлдөрү катышып жатат.

«Бүгүнкү күндө Кыргызстан өзүнүн айыл чарба продукцияларынын көлөмүн өзгөртө албай жатат. Ошол себептен өкмөт тарабынан региондордо экологиялык таза айыл чарба продукцияларын өндүрүү максатында атайын тапшырмалар берилген. Мурда министрликтин астында «Кыргыз агробио борбору» деген ишкана бар болчу. Азыр аны органикалык айыл чарба департаменти деп түзүп, 2018-жылы Баткенде филиалын ачканбыз. Азыр бул жерде экологиялык таза айыл чарба продукцияларын өндүрүүгө керектүү биокаражаттар жана пайдалуу курт-кумурскалар иштелип чыгат», - деди Бакирова.

Бул иш-чаранын негизги максаты — региондордо органикалык чарбаларды түзүүнү жайылтуу. Экологиялык жактан таза органикалык айыл чарба азыктарын өндүрүүгө, аларды жакынкы жана алыскы чет өлкөлөргө экспорттоону жогорулатууга ыңгайлуу шарттарды түзүү. Департаментте зыянкечтерге жана илдеттерге каршы колдонулуучу биокаражаттардын 2 тобу өндүрүлөт:

1. Микробиокаражаттар. Булар айыл чарба өсүмдүктөрүнүн түшүмдүүлүгүн жана туруктуулугун жогорулатат. Илдеттерге каршы колдонулат;

2. Энтомофагдар. Булар зыянкечтерди жеп жок кылуучу пайдалуу курт-кумурскалар.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×