Бөлүмдөр
Ишемби, 21-сентябрь
Баткен облусу, Сүлүктү 19.08.2019 18:31

Сүлүктү шаарында 280 млн сомго таза суу тартып келүү иштери жүрүп жатат

Turmush -  Сүлүктү шаарында таза суу тартып келүү иштери кызуу жүрүп жатат. Бул тууралуу шаардын вице-мэринин милдетин аткаруучу Кумарбек Мамытов билдирди.

Анын айтымында, шаарда 2010-жылдан бери таза суу көйгөйү жаралып келет. 2018-жылы сметалык баасы 280 млн сомдук долбоор түзүлүп, ал Дүйнөлүк банк тарабынан каржылоого алынган. 32 миң адамды суу менен камсыздоо боюнча долбоорду ишке ашыруу үчүн тендер жарыяланып, 4 ишкана жеңүүчү деп табылган.

Азыр жүрүп жаткан курулуш иштерин декабрь айына чейин бүтүрүү пландалып жатат. Ал толук ишке ашса ар бир тургун үйүнө өз каражаты менен суу түтүгүн орнотуп, ар бир үйгө таза суу эсептегичи орнотулат. Көчөлөрдө орнотулган жалпы пайдалануудагы суу түтүктөрү жабылат.

Азыркы учурда шаарга суу Тегирменти жайлоосунан келип жатат. Шаар тургундарына жумасына 2 жолу 2 сааттан таза суу берилүүдө.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×