Бөлүмдөр
Дүйшөмбү, 27-май
Баткен облусу, Баткен 27.04.2019 16:11 На русском

Баткенде милициянын полковниги Жоро Узбеков ардактуу эс алууга чыкты

Turmush -  Баткен ОИИБде эмгектенген милициянын полковниги Жоро Узбеков ардактуу эс алууга кетти. Бул тууралуу Баткен ОИИБдин басма сөз кызматынан билдиришти.

Маалыматка ылайык, бүгүн, 27-апрелде Баткен облустук ички иштер башкармалыгында үзүрлүү эмгектенип келген милициянын полковниги Жоро Узбековду өздүк курам ардактуу эс алууга узатышты.

Узбеков Жоро Бакыбекович 1993-жылы Баткен районунда милициянын участкалык ыйгарым укуктуу өкүлү болуу менен эмгек жолун баштаган. Кадамжай, Лейлек райондорундагы ички иштер бөлүмдөрүндө башчылык кызматка чейин жетишкен.

«Ал Баткен ОИИБдин коомдук коопсуздук кызматынын лицензия-уруксат берүү иштери боюнча тобунун улук инспектору болуп иштеп жаткан. Быйыл 55 жашка толгондугуна байланыштуу ардактуу эс алууга чыкты.

Баткен ОИИБдин жетекчилиги, ардагерлер кеңешинин төрагасы ардактуу ардагерибиз Жоро Узбековду куттуктап, ички иштер органдарында көп жыл бою үзүрлүү жана ак ниеттүүлүк менен татыктуу кызмат өтөгөндүгү, Баткен облусуна кошкон зор салымдары үчүн ыраазычылыктарын билдиришип, белектерди тапшырды», - деп айтылат маалыматта.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×