Бөлүмдөр
Жекшемби, 21-июль
Баткен облусуБаткен району 12.04.2019 15:15 На русском

Элдик уламыш: Баткенде чоң көк тоо жайгашкан аймакка Көк-Таш айылы негизделген (сүрөт)

Баткен, Көк-Таш айылы
Баткен, Көк-Таш айылы

Turmush -  Баткен районуна караштуу Көк-Таш айылынын аталышы андагы көк таштан улам коюлуп калган. Аймактык кабарчы элеттин таржымалын такташтырды.

Жергиликтүү тургун Кайры Масыдыкованын айтымында, айылдын түштүк жагында чоң көк тоо орун алган. Аны тургундар Көк-Таш деп атай берип, андан улам айыл Көк-Таш деп аталып калган.

«Биздин Көк-Таш айылыбыз коңшу Тажикстандын Ворух айылы менен чектешет. Айылыбыздагы үйлөр бир үй кыргыз, бир үй тажиктики болуп жайгашканбыз. Бул жердеги үйлөр Совет доорунан бери ушинтип орун алып калган. Биздин үйлөр негизинен шахмат түрүндө жайгашып, коңшу тажик тургундары менен той-ашта бири-бирибиздикине кирип, алакабыз жакшы. Жада калса алар ичкен суу түтүгүнөн биз да суу ичип, күн кечирип келебиз. Бирок чек ара маселесине байланыштуу пикир келишпестиктер тээ илгертеден бери эле болуп турат», - деди ал.

Элетте 2 миңге чукул түтүн бар. Калкы дыйканчылык жана мал чарба менен алектенет. Айылда 2 мектеп, 1 ФАП жана бала бакча бар.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×