Бөлүмдөр
Дүйшөмбү, 27-май
Баткен облусуКадамжай району 04.03.2019 09:37

Кадамжайдагы шайыр апалардын тобу чыгармачылык, кол өнөрчүлүк менен алектенүүдө (сүрөт)

Turmush -  Кадамжай шаарынын мэриясынын алдындагы «Кадамжайдын 40 кызы» шайыр байбичелер тобу ырларды аткарып, ар кандай иш-чараларга катышып келе жатат. Аймактык кабарчы апалардан кабар алды.

Өздөрүнүн айтымында, алардын эң улуусу 74 жаштагы Хакимова Ташкан апа болсо, эң кичүүсү 56 жашта. Ташкан апа бул топто 5 жылдан бери мүчө.

«Менин 5 уул, 4 кызым бар. Алардын баары үй-жайлуу болуп, 30 небере, 6 чөбөрөм бар. Биз топтогу аялдар бирдей форма тиктирдик. Балдарым 8-мартка белек болсун деп үстүмдөгү формамды белек кылышты. Алардын мындай мамилелери мага мындан ары да ар кандай ушак сөздөрдөн оолак болуп, позитивдүү жашап, ден соолугумдун чың болушуна түрткү берет», - деди Ташкан апа.

Ал эми аталган топтун эң кичүүсү, 7 баланын апасы Буумалика Жакшыбаеванын айтымында, бул топтогу айымдар өздөрүн өздөрү каржылайт. Бир нече сынактарга катышып, жеңишке ээ болуп келишкен. 5-6 түрдүү улуттук кийимдери бар. Ырга-бийге жараша кийинишет. Ыр-бийден сырткары кол өнөрчүлүк менен да алектенишет. Кыздардын себин, улуттук буюмдарды жасап, атайын буйрутма да алышат. Түшкөн каражатка майрамдарды белгилеп турушат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×