Бөлүмдөр
Шаршемби, 26-июнь
Баткен облусуКадамжай району 22.01.2019 15:04 Жаңыланды: 22.01.2019 22:07 На русском

Үйүмдү күрөөгө коюп иш баштагам: Баткенде 60 жаштагы Алима апа 17 жылдан бери лимон, апельсин, банан өстүрүп акча табууда (сүрөт)

Turmush -  Кадамжай районунун Халмион айыл өкмөтүнүн 60 жаштагы тургуну Алима Эргешова бакчасына лимон, апельсин, банан өстүрүп киреше табууда. Turmush басылмасынын аймактык кабарчысы багбан ападан кабар алды.

Өзүнүн айтымында, бул мөмөлүү дарактар 17 жылдан бери 6 сотых аянттагы күнөсканада өстүрүлүп келет.

«Пенсиядамын. Бала-чака, неберелүү болуп, бактылуу карылыкта жашап жатам. Ошентсе да мээнет кылып, бала-чакага да үйрөтүп, ушул чакан күнөскананы иштетип келем. Алгач 17 жыл мурда үйдү күрөөгө коюп, банктан насыяга акча алып иш баштагам. Ошондо Өзбекстандан лимондун көчөттөрүн алып келгем. Алардын ичинен 27 түбү лимон, экөө апельсин болуп чыкты. Ошондон бери көчөтүн көбөйтүп отуруп 50гө жетти. Көчөттөр 3 жыл дегенде мөмө байлады. Лимондун 2 түрү бар. Бир түптөн 50 даанадан ашуун же 50гө жакын мөмө алам. Ар бир жылдагы түшүмдөн 50 миң сомдой киреше табам», - деди ал.

Каарманыбыз буга катар эле бакчасында жашылча-жемиштерди да өстүрөт.

«Эрте жазда базарга помидор, болгар калемпирин, пияздын көчөтүп өстүрүп алып чыгам. Ал эми кышкысын лимон, апельсин сатабыз. Негизи бул бакчадан киреше эмес, ырахат алам. Күн сайын күнүмдүн көп убактысын ушул күнөсканада өткөрөм. Өзүм пенсияда болгонум менен жакшы эле кыймылдап, эмгек кылам. Мисалы лимондорду убагында бутайм, терип жыйнайм. Азыр эми банан да өстүрө баштадым», - деди багбан апа.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×