Бөлүмдөр
Бейшемби, 23-май
Баткен облусу, Кызыл-Кыя 18.01.2019 16:49

Кызыл-кыялыктар ооруканадагы УЗИ жабдыгынын эскилиги жеткендигине даттанышты

Turmush -  Кызыл-Кыя шаардык аймактык ооруканасынын УЗИ жабдыгынын эскилиги жетип, сапаты начар болууда. Бул тууралуу бүгүн, 18-январда облус жетекчилигинин Кызыл-Кыянын эли менен болгон жолугушуусунда айтылды.

«Мен жакында эле аймактык ооруканада дарыланып чыктым. УЗИге түшсөм эскилиги жеткен, сапаты начар экен. Ооруларды аныктоодо да сапаты начар. Заманбап УЗИ коюп берүүнү суранам. Элге жакшы болмок», - деди Кызыл-Кыя шаарынын тургуну Абдуганы Абдукадыров.

Милдеттүү медициналык камсыздандыруу фондунун Баткендеги жетекчиси Курбанбек Камчы уулу жакынкы күндөрү заманбап УЗИ аппаратын коюп берерин айтты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×