Бөлүмдөр
Бейшемби, 23-май
Баткен облусу, Баткен 13.12.2018 16:18

Баткен шаарында гемодиализ борбору ачылат (сүрөт)

Turmush -  Баткен шаарында жыл аягына чейин гемодиализ борбору ачылат. Бул тууралуу аймактык кабарчыга мэриядан билдиришти.

Азыркы учурда Түркиядан 6 гемодиализ аппараты алынып келди. Жакынкы күндөрдө дагы 3 аппарат алынат. Буга чейин жашоочулар дарылануу үчүн Ош жана Бишкек шаарларына каттап келишкен. Эми алар Баткен шаарында дарыланып, каражатын үнөөмдөгө шарт түзүлөт.

Өкмөткө караштуу Баткен аймактык милдеттүү медициналык камсыздандыруу фондунун директору Курманбек Камчы уулунун айтымында, учурда облус аймагында 36 адам гемодиализ аппаратына муктаж. Тактап айтканда бул аппаратты Баткен шаары жана району боюнча 14, Кызыл-Кыя шаарында 3, Кадамжай району жана шаарында 8, Лейлек районунда 10, Сүлүктү шаарында 1 адам колдонот. Саламаттыкты сактоо министрлиги тарабынан гемодиализ боюнча каттоодо тургандарга камсыздандыруу фонду тарабынан бир жолу дарылануусуна 4700 сом бөлүнөт.

«Эгерде Баткен шаарындагы гемодиализ борбору толугу менен бүткөрүлсө, биз анын гигиеналык жана дарылоо шарттарын текшерип, алар менен келишим түзүп, бейтаптарды дарыланууга жөнөтөбүз», - дейт Курманбек Камчыбек уулу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×