Бөлүмдөр
Дүйшөмбү, 27-май
Баткен облусу, Баткен 29.11.2018 13:55

Баткенде өрүктүн данегинен печенье жасалууда. Дүйнөлүк рынокто сатууга эмне кылуу керек?

Turmush -  Баткен райондук санитардык-эпидемиологиялык көзөмөл борбору жергиликтүү ишкерлерге жардам берүү үчүн атайын аккредитациядан өтүүгө аракет кылат. Бул тууралуу мекепменин башчысы Нурлан Орозалиев билдирди.

Анын айтымында, Баткенде өндүрүлгөн продукциялардын химиялык, бактериялык курамын текшерүүгө мындан да жакшы шарт түзүү үчүн аккредитациядан өтүү керек. Анткени Баткен облусу кошуна Өзбекстан жана Тажикстан менен чектешкендиктен баткендик продукцияларды эле эмес, кошуна өлкөлөрдөн келген продукцияларды текшерип, дүйнөлүк стандартка жооп берген сертификат берүү мүмкүнчүлүгү жаралмак.

«Бизде азыр деле текшерүү мүмкүнчүлүгү бар. Бирок аккредитациядан өткөн эмеспиз. Ал үчүн көптөгөн суммадагы акча керектелет экен. Эгерде муну ишке ашырсак Баткендеги ишкерлерге да чоң жардам болмок. Учурда Кадамжай районунун санитардык-эпидемиологиялык көзөмөл борбору аккредитациядан өткөн. Бирок Баткендеги ишкерлер үчүн алыс болууда. Эгерде бизда аккредитациядан өтсөк ишкерлердин азык-түлүк продукцияларын текшерип, дүйнөлүк стандартка жооп берген сертификат бермекпиз. Аны менен алар өндүргөн продукцияларын чет өлкөлөргө сатуу мүмкүнчүлүгүн алышмак», - деди ал.

Ал эми өрүктүн данегинен печенье жасап жаткан ишкер Султанали Малабаевдин айтымында, Баткен санитардык-эпидемиологиялык көзөмөл борбору аккредитациядан өтсө продукцияларды чет өлкөлөргөн сатууга оңой болмок.

«Азыр биз дүйнөлүк стандартка жооп берген сертификат алуу үчүн өндүргөн продукциябызды Бишкектен текшерүдөн өткөрүп келебиз», - деди ал.

Баткен Баткен санитардык-эпидемиологиялык көзөмөл борбору атайын 72 миң долларга долбоор жазышкан. Бул мекеменин лабораториясында иштеген 2 кызматкер Бишкек шаарында бул багытта билимин жогорулатуу үчүн жөнөтүлүп жатат. Мекеме 2019-жылга аккредитациядан өтүү аракети көрүлүп жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×