Бөлүмдөр
Бейшемби, 23-май
Баткен облусуЛейлек району 13.11.2018 20:33

Лейлек районунда Өзбекстанга кварц кумун сатууга мүмкүнчүлүк бар

Turmush -  Өзбекстанга өтүүчү «Риштан» чек ара посту ачылса Лейлек районунда кварц кумун сатууга шарт түзүлөт. Бул тууралуу райондун акими Баймурат Бекмуратов билдирди.

Анын айтымында, учурда райондо кварц кумунун 500 млн тонна запасы бар. Эгер ал сатыла турган болсо Лейлектин экономикасы да бир топ көтөрүлмөк. Аталган кумду иштетүү боюнча өзбекстандык жергиликтүү бийлик өкүлдөрү менен сүйлөшүүлөр жүргүзүлдү. Алар кумду келишим баада сатып алууга макулдуктарын берген. Бирок Өзбекстанга өткөрүүчү чек ара посту алыс болгондугуна байланыштуу кварц кумун жеткирүү үчүн транспорттук чыгымдарды кошуп эсептегенде сарпталуучу каражат алар сунуштаган баадан кымбат болууда. Ага байланыштуу учурда бул жумуш токтоп турат. Эгер Өзбекстанга өтүүчү «Риштан» чек ара посту ачылса Лейлек районунун кварц кумун сатууга шарт түзүлөт.

Кварц кумун иштетүү боюнча демилге буга чейин 2018-жылдын март айында Өзбектандын Фергана облусунда өткөн бизнес-форумда көтөрүлгөн болчу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×