Бөлүмдөр
Жума, 19-октябрь
Баткен облусуКадамжай району 08.10.2018 16:20

Айыл турмушу: Кадамжайлык Максат ар кандай кечелердин шаңын чыгарган музыкант (фото)

Turmush -  Кадамжай районунун Миң-Чынар айылынын 25 жаштагы тургуну Алишер уулу Максат 2-топтогу майыптыгына карабай, 6 жылдан бери ар кандай иш-чара, той-мааракелерде музыкалык аппараттары менен кызмат кылып келет. Аймактык кабарчы аны менен таанышты.

Өзүнүн айтымында, кызматы үчүн 3-4 миң сом акы алат.

«Мен ден соолугумдун мүмкүнчүлүгү чектелгенине карабай жаратканга шүгүп келтирип, жашоого үмүт менен карап, ата-энеме жардам берип, бир чети өзүмдү алаксытып, элге кызмат кылам. Ушинтип ар кандай иш-чараларда музыка коюп иштейм. Бир айда 2-3 жолу ушундай буйрутма болуп калат. Мен төрөлгөндөн кийин катуу ооруп, ошондон улам 2-топтогу майып болуп калыптырмын. Майыптыгым үчүн мамлекеттен 3000 сом жардам алам», - деди ал.

Каарманыбыз буга катар эле алдыда үйлөнүүнү көздөп жаткандыгын кошумчалады.

«Ошто ооруканада жүрүп, өзүбүздүн эле айылдык кыз менен таанышып калдым. Ал мага аябай жакты, кыз-жигит болууну айттым. Кыз-жигит болуп сүйлөшкөнүбүзгө 5-6 ай болуп калды. Азыр сүйлөшүп жүрөбүз. Эми буюрса үйлөнүү жөнүндө сунушумду билдирейин деп турам», - деди ал.

Максат үй-бүлөдө 6 бир тууган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×