Бөлүмдөр
Дүйшөмбү, 27-май
Баткен облусуЛейлек району 23.07.2018 11:04

Лейлектин Коргон айылында мөмө-жемиш кургатуучу кичи цех ачылды

Turmush -  Лейлек районунун Коргон айылында мөмө-жемиш кургатуучу кичи цех ачылып, 10го жакын адам жумуш менен камсыз болду. Бул тууралуу Turmush басылмасынын аймактык кабарчысы маалымдады.

Аталган цехти куруу демилгесин Коргон айылынын тургуну Жаныбек Каразаков көтөрүп чыккан. Демилгени Бүткүл дүйнөлүк азык-түлүк программасы каржылап, 1 млн сомдук колдоо көрсөткөн.

Райондун акими Баймурат Бекмуратовдун айтымында, цех 1 күндө 500 кг чейин мөмө-жемиш өндүрө алат. Цех үчүн атайын имарат бөлүнүп, ал 170 миң сомго оңдолду.

Лейлек району боюнча мөмө-жемиш кайра иштетүүчү 4 кичи цех бар. Аларда жалпысынан 100гө жакын адам жумуш менен камсыз болгон.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×