Бөлүмдөр
Шейшемби, 21-август
Баткен

Фото - Кызыл-Кыя шаары менен Лейлек районундагы турак үйлөрдү суу каптады

Turmush -  Кечээ, 21-майда Кызыл-Кыя шаарында жааган жаандын кесепетинен турак үйлөрдү суу каптады. Бул тууралуу ӨКМдин басма сөз кызматы билдирди.

Маалыматка караганда, саат 22:30 чамасында жааган жаандан кийин Восток-2 кичи районундагы 1 турак үйдүн ичине, 4 турак үйдүн короосуна, ошондой эле Кулатов көчөсүндө жайгашкан 5 кабаттуу 2 турак үйдүн жер төлөсүнө, Дружба көчөсүндөгү 2 турак үйдүн короосуна суу кирген.

Кырсыктын кесепеттерин жоюуга ӨКМдин Кызыл-Кыя шаардык №4 өзүнчө мобилдик тоо-кен кырсыктарынан куткаруу взводунан 5 куткаруучу, №62 өрт-куткаруу бөлүмүнөн 6 куткаруучу тартылып, 4 турак үйдүн короолорун жана 5 кабаттуу 2 турак үйдүн жер төлөсүн тазалашкан. Тактоо иш-чаралары жана селдин кесепетин жоюу иштери бүгүн улантылат.

Ошондой эле жааган жамгырдын кесепетинен Лейлек районунун Катраң айыл аймагынын Күнгөй тилкесинде 1 турак үйдүн короосун, жер тилкелерин суу каптап, 30 метр ички чарбалык арыктарга кум-шагыл толгон.

Акимчиликтин маалыматына караганда, Катраңдагы сел 5-6 үйгө кирип, 2-3 жандык малды агызган. Электр мамылары кулап, ички жолдор бузулган. Учурда селден улам келтирилген чыгымдар эсептелүүдө.

Мындан тышкары Ала-Көл тилкесинде 1 турак үйдүн короосун суу каптап, 200 метр ички чарбалык арыктарына кум-шагыл толгон. Маргун айыл аймагындагы Даргаз айылында 1 жер тилкесин, 2 мал сарайды жана Даргаз–Маргун ички чарбалык унаа жолун суу каптаган. Анын кесепетинен унаалардын өтүүсүнө кыйынчылык жаралды.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1708
Комментарии
Для добавления комментария необходимо быть нашим подписчиком
Көп окулду
×