Бөлүмдөр
Дүйшөмбү, 18-июнь
Баткен

Баткен жана Кадамжай райондорунда селдин кесепеттери тазаланып жатат

Turmush -  Баткен жана Кадамжай райондорунда сел кесепеттерин жоюу аракеттери жүрүүдө. Бул тууралуу облус жетекчилигинен билдиришти.

Маалыматка караганда, 18-май күнү катуу жааган жаандан улам Баткен районунун Төрт-Гүл айыл өкмөтүнүн Ак-Өтөк айылында жана Кадамжай районунун Ак-Турпак, Кызыл-Коргон айылдарында сел жүргөн. Аталган аймактарга облус жетекчилиги барып, сел кесепеттерин жоюу боюнча тийиштүү тапшырмаларды берди.

Ак-Өтөк айылында элдин негизги киреше булагы болгон 15 гектар күрүч талааларды сел жууп кеткен. 30дай тургундун короо-жайларын кум-шагылга толтуруп, 1 электр мамычасы жарактан чыгып, 15 үй-бүлө жарыксыз калган. 200-300 метр ички чарбалык жол шагылга толгон.
Ошол эле күнү айылды селден тазалоо жумуштары башталып, элге электр жарыгы берилген. Жолдорду, элдин короо-жайын тазалоо жумуштары жергиликтүү бийлик жана ӨКМ тарабынан аткарылууда.

Ал эми Кадамжай районунда жүргөн сел Ак-Турпак жана Кызыл-Коргон айылынын 4 км ички чарбалык жолдорун бузуп, арыктарды кум-шагылга толтурган. 15 үйдүн короо-жайына сел суусу кирген. Учурда айылда 20 техника иштеп, калыбына келтирүү жумуштары жүрүүдө. Келтирилген зыяндын эсеби такталууда. Табигат кырсыгынан адам өмүрүнө зыян келтирилген эмес.

18-майда Кадамжай районундаг жүргөн сел

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 512
Көп окулду
×