Бөлүмдөр
Дүйшөмбү, 27-май
Баткен облусу, Баткен 18.04.2018 12:05

Баткенде кыргыз-өзбек жаштарынын «Маданият достуктун көпүрөсү» фестивалы уланууда (видео)

Turmush -  Баткен шаарында кыргыз-өзбек достугун бекемдөөгө «Маданият достуктун көпүрөсү» фестивалы уланууда. Бул тууралуу аймактык кабарчы маалымдады.

Шаардык маданият бөлүмүнүн башчысы Равшанбек Бадаловдун айтмында, шаардагы А.Жайнаков атындагы музыкалык драма театрында эки өлкөнүн маданият кызматкерлери концерт коюп жатышат. Фестиваль эртең да уланмакчы.

«Кечээ конокторду тосуп алдык. Бүгүн 2 улуттун жаштары биргеликте достук концертин коюп жатышат. Бул жерде жаштар өздөрүнүн таланттарын элге тартуулоодо. Эртең келген делегацияны Айгүл -Тоосуна алып барабыз», - деди Бадалов.

Фергана облусунун спорт бөлүмүнүн башчысы Одилжон Ходжаев бул иш-чара эки өлкөнүн достугун бекемдөөгө жакшы өбөлгө болуп жаткандыгын кошумчалады.

«Бул фестиваль 2 улуттун жаштарын достошууга, жакшы мамиледе болууга чакырат. Ошондой эле, өз маданиятын жайылтып, тажрыйба алмашууга өбөлгө болот. Биз тараптан 6 жаштан 16 жашка чейинки 40 бала келди. Алар кыргыз досторуна ыр-бий жана улуттук аспаптарда оюндарды даярдап келишкен», - деди Ходжаев.

Фестивалда 6-класстын окуучусу Бекназар Айпидинов 10 мүнөт «Манас» айтты. Ал токтобой айтып жатканда башкалар келип, токтотушту.

Иш-чарага Баткен шаарындагы «Өрүкзар», «Алтын бешик» балдар бакчасынан жана Баткен шаардык жана райондук маданият бөлүмүндөгү талантуу балдар катышты. Ферганадан «Гозал» бийчилер тобу жана жаш жеткинчектерден түзүлгөн «Сольнышко» бийчилер тобу, ошондой эле «Алер» вокалдык тобу келген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×