Бөлүмдөр
Бейшемби, 19-апрель
Баткен

Кадамжайда 17 млн сомдук бала бакча ачылат

Turmush -  Кадамжай районунун Халмион айыл аймагында мамлекеттик бюджеттин эсебинен 100 орундуу бала бакча курулуп жатат. Курулушка жалпы 17 млн сом каралган.

Бала бакчанын курулушу менен кечээ, 13-апрелде өкмөттүн Баткендеги өкүлү Абиш Халмурзаев таанышып, сапатына көңүл буруу зарыл экенин белгиледи. Ошондой эле облус жетекчиси Жошук айылында коомдук фонд тарабынан 3,5 чакырымга таза суу түтүктөрүн орнотуу долбоорунун ишке ашуусу менен таанышып чыкты. Ага айыл чарба, көрктөндүрүү иштери боюнча да маалымат беришип, өзүнүн сунуштарын айтты.

Сапардын алкагында Улуу Ата Мекендик согуштун катышуучусу Сайдакмат Мадаминовго өлкө башчы тарабынан берилген 15 миң 600 сом, ооруктун ардагери Мажит Шадыбековго 10 миң 100 сом акчалай сыйлыкты тапшырып, жашоо шарты жана ден соолугунан кабар алды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 641
Көп окулду
×