Айыл турмушу: Кокондук 2 дос Баткенде устакана ачып, эшик-терезелерди жасап жатышат (фото)
Turmush - Дилшод Султанов менен Адыл Эркебаев Баткендеги жыгач устаканада эшик-терезелерди жасап беришет. Аймактык кабарчы уста достордон кабар алды.
Өздөрүнүн айтымында, Баткенге Өзбекстандын Кокон аймагынан келишкен. Устакананы ижарага алып, күн сайын буйрутма менен эшик-терезелерди жасап жатышат. Эшиктин квадрат метри 2000 сом, терезенин квадрат метри 1500 сомдон бааланат. Даяр эшиктер 9000 сомго чейин сатылат. Эшик-терезелер жалаң гана жыгачтан жасалат. Күнүнө 10го жакын эшик-терезе жасап, күнүнө 50 миң сомго чейин киреше табууга болот.
Устакана кышында суук болгондуктан жыгачтын таарындылары (опилка) жагылчу меш жасап алышкан. Ага 2-3 кап таарынды салышса 10 саатка чейин жылуулук берип турат.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Для добавления комментария необходимо быть нашим подписчиком
