Бөлүмдөр
Ишемби, 26-май
Баткен

Баткенде ич келте менен оорунан эне менен балдардын абалы жакшы, - дарыгер

Turmush -  Баткен районунун Самаркандек айылында ич келте оорусун жуктурган үй-бүлө учурда Баткен облустук биргелешкен ооруканасынын жугуштуу оорулар бөлүмүнө жаткырылды.

Райондун санитардык-эпидемиологиялык көзөмөл борборунун башчысы Нурлан Орозалиевдин айтымында, 1980-жылы туулган М.С. (аял) 31-октябрда дене табы көтөрүлүп, тез-тез заара ушатып, жашаган жери боюнча үй-бүлөлүк дарыгерлер тобуна кайрылат. Ал жактан бөйрөгүнө суук тийген деп, амбулатордук шартта цефтриаксон дарысын дайындашат. Цефтриаксонду алгандан кийин дене табы түшөт. Андан кийин 8-ноябрда кайра дене табы көтөрүлүп, Баткен шаарындагы жеке менчик ооруканага кайрылып, 14-ноябрга чейин дарыланган. Бирок жыйынтык болбогондон кийин ал жактан чыгып кеткен. 18-ноябрда кайра дене табы көтөрүлүп, жашаган жериндеги ооруканага кайрылат. Ал жактан гинеколог эндоцервици диагнозун коюп, гемокультурага кан алынып, жөнөтүлөт. Ал жактан ич келтенин белгилери табылган.

Анын 8 жаштагы кызы Г.А. күн дене табы көтөрүлүп, Баткен облустук биргелешкен ооруканасынын жугуштуу оорулар бөлүмүнө жаткырылды. 3-декарда 7 жаштагы уулу Г.Б. дагы ич келте оорусунун белгилери байкалып, ооруканага жаткырылды.

Баткен облусттук бириккен ооруканасынын жетекчиси Нурлан Салиевдин айтымында, бүгүнкү күндө бул оорулуунун үй-бүлөсүнөн копрокультура алынып, жыйынтыгы таза чыккан, абалдары жакшы. Ичүүчү суусунан анализге суу алынды. Көк-Таш, Самаркандек айылдарында дарыгерлер үймө-үй кыдыруу санитардык маалыматтарды бермек болду.

Мектеп окуучулары арасында ич келте ооруусу боюнча лекциялар өтүлүп, балдардан 50 копрокултура алынып лабораторияга жеткизилди.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 3188
×