Бөлүмдөр
Ишемби, 21-июль
Баткен

Сүлүктүдөгү тойдо байгеге 4 унаа коюлган спорттук мелдештер өттү

Turmush -  Кечээ, 17-сентябрда Сүлүктү шаарынын тургуну И.Карабаев неберелери Ислам жана Арсендин сүннөт тоюн өткөрүп, баш бейгесине 4 унаа коюлган спорттук мелдештерди уюштурду. Бул тууралуу аймактык кабарчыга күбөлөр билдиришти.

Маалыматка караганда, кыргыз күрөш боюнча мелдешке Баткендин аймактарынан жана Тажикстандан келген балбандар катышты. Байгесине 3 «Жугили», 1 «Нива» унаасы, 15 тонна көмүр, 2 жылкы, 2 торпок, 1 топоз, 20 кой, 20 эчки, 15 даана килем, кир жуучу 2 машина, түстүү 3 сыналгы коюлду.

Күрөш ар салмакта өткөрүлүп, 100 кг ашык салмакта 1-орунду лейлектик Талип балбан, 80 кг оор салмакта 1-орунду сүлүктүлүк Таалай балбан, 80 кг чейинки салмакта биринчиликти сүлүктүлүк шахтер Жеңишбек балбан ээледи. 60 кг жогору салмактагылар арасында да 1-орунду сүлүктүлүк балбан утту. Аталган балбандарга унаалар тапшырылды.

Андан сырткары, 30 миң сом байге коюлган волейбол боюнча да мелдеш өткөрүлдү.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1175
Комментарии
Для добавления комментария необходимо быть нашим подписчиком
Көп окулду
×