Бөлүмдөр
Бейшемби, 16-август
Баткен

Кадамжай районунда мыкты мугалимдер сыйланышты (фото)

Turmush -  Кадамжай районунда билим берүү кызматкерлеринин кеңешмеси болуп өттү. Бул тууралуу аймактык кабарчыга Кадамжай райондук билим берүү бөлүмүнөн билдиришти.

Маалыматка ылайык, кечээ, 25-августта райондук билим берүү кызматкерлеринин «Кыргыз Республикасынын туруктуу өнүктүрүү үчүн билим берүү системасындагы ийгиликтүү иш аракеттер жана жаңы чечимдер» аталышындагы август кеңешмеси Кадамжай шаарындагы «Жаштык» кинотеатрында өткөрүлдү.

Аталган кеңешмеге өкмөттүн Баткен облусундагы ыйгарым укуктуу өкүлүнүн орун басары Чынар Саттарова, Баткен облустук билим берүү усулдук борборунун башчысы Мээринса Айжигитова, Кадамжай райондук мамлекеттик администрация башчысы Жаныбек Исаков, райондук мекеме-ишканалардын жетекчилери, айыл өкмөт башчылары, 83 мектептин директорлору катышты. Кеңешменин жүрүшүндө «Алдыңкы педагогикалык тажрыйба, сапаттуу билимге өбөлгө» аттуу теманын негизинде райондогу алдыңкы мектептердин көргөзмөлөрү көрсөтүлдү. Андан соң, келген конокторго билим берүү кызматкерлеринин кыскача чыгармачылык концерти тартууланып, 2016-2017-окуу жылынын жыйынтыгы менен алдыңкы мектептерди, айыл өкмөт башчылары сыйлады. Ошондой эле, райондук билим берүү бөлүмүнүн ардак грамотасы менен окуучулары облустук олимпиадада 1-орунду ээлеген мугалимдер сыйланышты. Мындан тышкары, мыкты мугалимдерге өкмөттүн Баткен облусундагы ыйгарым укуктуу өкүлүнүн ардак грамотасы тапшырылып, өткөн окуу жылынын жыйынтыгы менен ийгиликтерге жетишкен мектептерге билим берүү бөлүмү тарабынан компьютерлер берилди.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2850
Комментарии
Для добавления комментария необходимо быть нашим подписчиком
Көп окулду
×