При поддержке MegaCom

Бөлүмдөр
Шаршемби, 23-август
68.74    80.7    1.16    KZT 0.21

Жаш талант: Баткендик А.Нуридинова республикалык бий сынакта жердештеринин намысын коргоду (фото)

Turmush -  Баткен районундагы Кызыл-Бел айылынын 11 жаштагы тургуну Айдана Нуридинова «Мен кыргызстандык экениме сыймыктанам» республикалык бий сынагына катышып келди. Ал быйыл Баткен шаарындагы Жоомарт Бөкөнбаев атындагы орто мектебинде 5-классты аяктады. Аны менен Turmush басылмасынын кабарчысы маектешти.

- Айдана, аталган сынакка кантип катышып калдың?

- Алгач облустук тур болгон. Андан биринчи орунду багындырып, республикалык турга жолдомо алгам.

- Сынак тууралуу айтып берчи.

- Бардык облустардан 20дай бийчилер катышты. Баары таланттуу кыздар жана балдар экен. Мен да ошондой таланттуулардын катарында болгонум үчүн абдан кубандым.

- Сынакка канча убакытта даярдандың эле?

- Эки ай бою даярдандым. Мага бийди Акбилек эже үйрөтүп, мени даярдап жүрдү. Ушул эженин эмгеги менен ийгиликке жетиштим.

- Канча жашыңдан бери бийлеп келесиң?

- Кичинекей кезимден бери эле бийлеп келем. 7 жашымда Баткендеги «Мээрим» балдар чыгармачылык мектебине киргем. Ошондон бери бий менин жашоом болуп калган. Учурда бул мектепте кыздардын курамынан түзүлгөн «Мөл булак» бий тобубуз бар.

- Бийден башка дагы эмнелерге кызыгасың?

- Сүрөт тартканга кызыгам. Комузда, пианинодо ойнойм.

- Буга чейинки жетишкен ийгиликтериң тууралуу айтып берчи.

- Шаардык, райондук облустук сынактарга катышып, алдыңкы орундарды алып келем. Шаардагы иш-чараларда дайыма бийлейм.

- Келечекте ким болгуң келет?

- Дарыгер болууну кыялданам. Ошол эле учурда бийди дагы чогуу алып кетким келет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 599
Комментарии
Обсуждения закрыты
Көп окулду
×
Урматтуу окурман, мекенибиздин аймактагы «турмушунан» кабар алганыңыз үчүн ыраазычылык билдиребиз.
Куш кабарыбыз маалыматтык чаңкооңузду канааттандырса «Нравится» эн белгисин басуу менен сиз үчүн кылган ишибизге дем бериңиз!
Жабуу