Бөлүмдөр
Жума, 19-октябрь
Баткен облусуКадамжай району 23.05.2017 08:41 На русском

Кадамжайда бир үй-бүлө тойдон келген этти жеп ууланышты

Turmush -  Кечээ, 22-майда Кадамжай аймактык ооруканасына тамак-ашка ууланган үй-бүлө (жубайлар жана 3 баласы) жеткирилди. Бул тууралуу Саламаттыкты сактоо министрлиги маалымдады.

Маалыматка караганда, Охна айылынын тургуну 21-майда тойго барган. Тойдон желим баштыкка салынган эт алып келип, кечинде үй-бүлөсү менен жешкен. Эртең менен саат 6:00 чамасында бардыгы кусуп, ичтери ооруй баштаган.

Саат 7:45те Кадамжай аймактык ооруканасына кайрылышкан. Үй-бүлө медициналык жардам алып, азыр абалдары канааттандырарлык.

Министрлик күн ысыгандыгына байланыштуу тамак-ашка уулануу кооптуулугу күч экендигин эскертет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×