Бөлүмдөр
Шаршемби, 14-ноябрь
Баткен облусуБаткен району 01.05.2017 15:55

Баткенде чек арага жакын мектептердин окуучулары орус тилин акысыз үйрөнүп жатышат

Turmush -  Баткендеги чек арага жакын жайгашкан мектептердин окуучуларына орус тили курсу бекер окутулуп жатат.

Самаркандек айылындагы М.Салихов атындагы орто мектебинини мугалими Каныкей Мырзамуратованын айтымында, аталган окутуулар эл аралык уюм каржылаган долбоордун негизинде балдардын башка улуттар менен тыгыз байланышта болушу үчүн жүрүп жатат.

«Биздин айыл Тажикстанга чек аралаш жайгашкандыктан кошуна элдер менен байланышып турабыз. Бирок ошол учурда алар биздин тилди же биз алардын тилин түшүнбөй калып ыңгайсыз болгон учурлар көп эле кездешет. Мына ошондой кырдаалдан чыгуу үчүн окуучуларыбызга орус тилин үйрөтүп жатабыз. Себеби орус тили эл аралык тилдердин бири», - деди мугалим.

Орус тили курсунан сабак берип жаткан мугалимдер да эл аралык уюм тарабынан 5 күндүк семинардан өтүшкөн. Учурда 1 тайпада 15 окуучу билим алууда. Курстагы сабактар жумасына 2 жолу 2 саат 40 мүнөттөн өтүлөт.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×