Бөлүмдөр
Жума, 19-октябрь
Баткен облусуКадамжай району 28.04.2017 11:21

Кадамжайда 81 мектеп катышкан «Жер планетасы» форуму өттү

Turmush -  Кадамжай районундагы Бабажан Айтматов атындагы гимназия мектебинде химия-биология сабактарынын мугалимдеринин «Жер планетасы» форуму өттү. Бул тууралуу Turmush басылмасынын аймактык кабарчысы маалымдады.

Райондун аймагындагы 81 мектептин мугалимдери, окуучулары катышкан форум экологиялык маданияттуулукка, эл жашаган аймактардын тазалыгын сактоого окуучуларды тарбиялоо, айлана-чөйрөнү сактоо түшүнүгүн калыптандыруу максатында уюштурулду. Айдаркен аймагынан келген мектептердин жамааты сымап комбинатынын тоо-таштын, топурактын, завод-фабриканын экологиясы боюнча көргөзмө жасашты.

Халмион аймагынын мектептери канаттуулар, жаныбарлар жана өсүмдүктөр боюнча, ал эми Ак-Турпак аймагы дары чөптөр, таза суу, тамак-аш экологиясы боюнча маалымат беришти. Үч-Коргон аймагы адамдын, балдардын экологиялык таза тамактануусу боюнча түшүндүрмө беришти. Марказ аймагы токой, аба, автоунаалар экологиясы боюнча, ал эми Майдан аймагы жер, калдыксыз технология, таза оюнчуктар боюнча маалымат беришти.

Кадамжай районундагы мугалимдер туура тамактануунун азык тизмеги, ичимдиктердин зыяндуулугу боюнча кеңири түшүнүк беришти. Ошондой эле, экология боюнча слайддар көрсөтүлдү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×