Бөлүмдөр
Шаршемби, 23-май
Баткен

Видео – Эл аралык «Сапат» мекемесинин Кадамжайдагы «Семетей» лицейи жаңы окуу жылына сынак жарыялады

Turmush -  Эл аралык «Сапат» билим берүү мекемесинин Кадамжай шаарындагы «Семетей» балдар лицейи 2017-2018-окуу жылына кабыл алуу сынагын жарыялады.

«Семетей» лицейинде учурда Баткен облусунун аймагынан келген 389 окуучу билим алууда. Лицей бир жумада 5 күндүк жана күнүнө 7 сааттык окуу тартиби менен иштейт. Окуучулар кечкисин тарбиячылардын көзөмөлүндө сабактарга даярданышат.

Лицейде тарых, география, кыргыз тили жана адабияты, экономика сабактары Кыргыз Республикасынын Билим берүү жана илим министрлиги бекиткен программалар боюнча өтүлөт. 7-класстын окуучулары англис тилин терең үйрөнүп, жакшы өздөштүрүүсү үчүн 10 сааттан сабак өтүлөт. Ал эми, химия, биология, математика, физика жана информатика сабактары Кыргыз Республикасынын Билим берүү жана илим министрлиги бекиткен, дүйнөлүк стандартка ылайыкташтырылып түзүлгөн программа менен англис тилинде окутулат. Ошондой эле, түрк тили кошумча үйрөтүлөт.

Бүгүнкү күндө лицей мезгилдин талабына ылайык класстык бөлмөлөр, лабораториялар жана окуучулар үчүн ыңгайлуу шарты бар жатакана менен камсыздалган.

Окуу жайдын негизги максаты: - инсанга жекече багыт берип окутуу;

- мезгил талабына ылайык кадрларды тарбиялоо.

Англис, кыргыз, орус, түрк тилдерин, гуманитардык жана так илимдерди окутуу, эл аралык стандарттагы жаңы техникалык каражаттар, проекторлор, компьютерлер, программалар, видеолор жана электрондук тактасы болгон мультимедия системасы аркылуу жүргүзүлөт. Кыргызстан, Түркия, Англия жана Америкадан чыккан окуу китептери окутуунун эффективдүү жана кызыктуу өтүшүн камсыздайт.

Ийгиликтер:

2015-2016-окуу жылындагы ЖРТнын жыйынтыгы:

- лицейдин бүтүрүүчүсү Өзбеков Азизбек алтын сертификаттын ээси болду;

- Саматов Дастанбек президенттин сыйлыгын алган.

Эл аралык олимпиада боюнча:

Окуучунун аты-жөнү предмети өлкө оруну
Жолматов Данияр физика Түштүк Корея диплом
Байзаков Нурбек физика Гонконг, Азия олимп диплом
Базарбаев Баяман химия Москва, Менделеев олимп диплом
Өзбеков Азизбек химия Москва, Менделеев олимп диплом
Садиков Артур физика Гонконг, Азия олимп диплом
Жолдубай уулу Бекжол математика Гонконг, Азия олимп диплом
Садатбек уулу Баэл биология Вьетнам диплом
Байзаков Нурбек физика Швецария диплом
Өзбеков Азизбек химия Грузия диплом
Садиков Артур физика Швецария коло медаль

2016-2017-окуу жылы

Мектеп окуучуларынын предметтик олимпиадасынын республикалык туруна Кадамжай «Семетей» лицейинин 9 окуучусу катышкан.

Байгелүү орундарга татыган окуучулар:

- Садиков Артур (физика), 2-орун;
- Жээналиев Элдияр (мамлекеттик тил), 2-орун;
- Базарбаев Баяман (химия), 2-орун;
- Жолматов Данияр (физика), 3-орун;
- Жолдубай уулу Бекжол (математика), 3-орун.

Эл аралык олимпиаданын катышуучулары:
- Коло медалдын ээси Артур Садиков (физика, Казакстан);
- Данияр Жолматов (астрономия, Индия, диплом);
- Күмүш медалдын ээси Бекжол Жолдубай уулу (геометрия, Иран).

Лицейдеги шарттар:

- Заманбап окуу кабинеттер, лабораториялар жана китептер;
- Жылуу жатакана;
- 3 маал ысык тамак;
- Ден соолукту чыңдоо жана машыгуу үчүн спорт салону;
- Бош убакта көңүлдүү эс алуу үчүн клуб жана ийримдер;
- Маданий эс алуулар (экскурсия, пикниктер, КВН, концерттик программалар ж.б);
- Ар бир окуучу менен жекече иш алып баруу;
- Олимпиадалык сабактарга даярдоо;
- Университетке даярдоо курстары;
- Бүтүрүүчүлөргө аттестат менен бирге, англис, түрк тилдердин жана компьютерди үйрөнгөнү тууралуу сертификат берилет.

Кабыл алуу сынагы:

Сынактан ийгиликке жетишкендерге жеңилдетилген мүмкүнчүлүктөр бар:

- 1-3-орун 100%;

- 4-10-орун 50%;

- 11-20-орун 20%.

Лицейге кабыл алуу сынагына 6-классты бүтүрүп жаткан бардык окуучулар катыша алат. Сынак тестирлөө түрүндө кыргыз жана орус тилдеринде төмөнкү предметтер боюнча жүргүзүлөт:

- математика;

- биология;

- география;

- тарых;

- логикалык суроолор;

- кыргыз класстар үчүн кыргыз тили, адабияты;

- орус класстар үчүн орус тили, адабияты.

Кадамжайдагы «Семетей» лицейи тууралуу

Лицей 1993-жылдын 17-июлундагы Кадамжай райондук акимчилиги, Кадамжай райондук билим берүү бөлүмү жана Түркиянын «Себат» таалим-тарбия фирмасынын ортосундагы биргелешкен протоколуна ылайык Кадамжай райондук жергиликтүү мамлекеттик бийлигинин 1993-жылдын 3-октябрындагы №280 буйругунун негизинде ачылган.

Лицей – билим берүүнү өнүктүрүүчү мектеп.

Лицей өзүнүн ишмердүүлүгүн:

- балдардын укуктары жөнүндө Конвенциянын;

- Кыргыз Республикасынын Конституциясынын;

- Кыргыз Республикасынын Билим берүү жөнүндөгү мыйзамынын;

- Билим берүү жана илим министрлигинин «Мамлекеттик эмес билим берүү мекемелери жөнүндөгү» жобосунун, лицейдин уставынын жана локалдык актылардын негизинде алып барат.

Окутуу акы төлөөнүн негизинде жургүзүлүп, каржылоонун наркы киреше-чыгаша сметасынын негизинде белгиленет. Акы төлөөнүн негизи болуп ата-эне менен лицей администрациясынын ортосундагы келишим кызмат кылат.

Юридикалык жактан мамлекеттик каттоо жөнүндө күбөлүк 2010-жылдын 5-майында Кыргыз Республикасынын Адилет министрлиги тарабынын берилген.

Окутуу негизинен 4 тилде: кыргыз, орус, түрк, англис тилдеринде жүргүзүлөт. Алгач 7-класстын окуучулары даярдоо курсунда билим алып, 1-жарым жылдыктан кийин гана сабактар өтүлө баштайт.

8-9-10-11-класстарда математика, физика, химия, биология, информатика сабактары англис тилинде жүргүзүлөт. Түрк тили сабагы түрк тилинде, ал эми калган предметтер кыргыз жана орус тилинде окутулат.

Азыркы кезде лицейди бүткөн окуучулар Америкада, Германияда, Англияда, Швейцарияда, Японияда, Кипрде, Индияда, Түркияда, Кытайда, Сингапурда, Түштүк Кореяда жана Россияда жана Кыргызстандын жогорку окуу жайларында билимин улантышууда.

Лицей Түркиядагы Саман жолу фен лицейи жана Кадамжай районундагы Тамаша орто мектеби менен достук кызматташтыкта.

Дареги: Баткен облусундагы Кадамжай шаарынын Северная көчөсү №1.

Телефон 0773-882-017, 0705-077-077, 03655 5-07-10, 03655 5-01-52;

- WhatsApp0773-882-017;

- Facebook @kadamjaysemeteyliceum;

- Email: kadamzhay.semetey@gmail.com.

2017-2018-окуу жылына кабыл алуу сынагы 14-апрелде Лейлек районундагы Исфана, Сүлүктү шаарларында, 15-апрелде Баткен, Кадамжай райондорунда өтөт (окуучулар сынакка карандаш жана өчүргүч алып келүүсү зарыл).

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 13010
Көп окулду
×