Бөлүмдөр
Ишемби, 26-май
Баткен

Кызыл-Кыя шаарында 180 орундуу бала бакча ачылды (фото)

Turmush -  Баткен облусунун Кызыл-Кыя шаарында 180 орундуу «Баластан» бала бакчасы пайдаланууга берилди. Бул тууралуу Баткен облусунун жетекчилиги маалымдады.

Маалыматка караганда, «Баластан» бала бакчасынын имараты 1970-жылы курулган. Бирок 1990-жылы жабылып, имарат санитардык-эпидемиялык борборго берилген. 2016-жылы облус жетекчиси Абиш Халмурзаевдин демилгеси менен санэпидем борбору башка имаратка көчүрүлүп, бала бакча жергиликтүү бюджеттин жана гранттын эсебинен 8 млн сомго оңдолгон. Жаңы ачылган бала бакча 180 орунга эсептелип, балдар 6 тайпада тарбияланат.

Бүгүнкү күндө Кызыл-Кыя шаарында жалпысынан 13 бала бакчада 2 миңден ашык бала тарбияланууда. Облус жетекчиси Абиш Халмурзаев 2016-жылы облус аймагы боюнча 17 бала бакча ачылып, 1651 бала кабыл алынгандыгын, учурда облус боюнча 150 бала бакча болсо, анда 18 миң 253 бала тарбияланып жаткандыгын белгиледи.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1564
×