Бөлүмдөр
Жума, 20-июль
Баткен

Элдик уламыш: Олуянын кызы суу сурап алган аймакта Миң-Булак чыккан (фото)

Turmush -   Баткен облусунун Караван айылындагы Миң-Булак суусун 14 миңге жакын адам пайдаланат. Аймактык кабарчы жергиликтүү тургундардан ыйык деп эсептелген булактардын таржымалын сураштырды.

Айылдын тургуну Акматали Жороевдин айтымында, илгери бул аймакка олуянын кызы келин болуп келип, бирок аймакта суу жок болгондуктан атасына: «Барган жерим жакшы, бирок суусу жок экен», - деп арызданып барат. Олуя кызына: «Сен бара бер, сага Абшыр-Атанын суусун эстеликке бердим, аздектеп сактап ал», - дептир. Кыз кайтып келе жатып, булак чыгып турганын көрөт. Кыз кубанып, анын суусун кубалап чуркаган сайын, миңдеген майда булактар пайда болуптур. Ошондуктан ал аймак Миң-Булак деп аталып калган дешет.

Учурда аталган булактардын суусун 14 миңге жакын адам пайдаланат. Караван айылынын эли аны жыл сайын ашар жолу менен тазалап турушат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 6555
Комментарии
Для добавления комментария необходимо быть нашим подписчиком
Элдик уламыштар
Көп окулду
×