Бөлүмдөр
Жума, 25-май
Баткен

Элдик уламыш: Алыш айылына адамдар отурукташканга чейин башкача ала куштар жашаган (фото)

Turmush -  Кадамжай районунун Алыш айылы ала куштардын мекени болгон. Бул тууралуу аксакалдардан уккандарын аталган айылдын тургуну Адилет Адам уулу айтып берди.

«Бул жерге эл отурукташа электе канаттуулардан башкача болгон ала куштар байырлап жүргөн экен. Алар азыркы Алыш, Өлагыш айылдарын мекендеп жашашкан. Бара-бара айылга адамдар отурукташа баштап, элдер көбөйгөн сайын ал куштар өздөрү жок болуп кеткен экен. Ал куштарды ушул убакка чейин эч ким, эч жерде көргөн эмес.

Кийинчерээк айылга бак-дарактар тигилип, жашоонун доору сүрүлө баштаган. Айылда суу жок болгондуктан элдер ашар жолу менен эки арык казып, Кара-Жыгач менен Кара-Кыштактын башына дамба куруп, суу чыгарышат. Ошентип айылга суу келет. Ошондо карыялар кеңешип отуруп, биринчи казылган арыкты Алыш, экинчисин Валакыш арыгы деп атап коюшкан экен. Ошондон улам Алыш-Валакыш деп аталып калган.

Алыш айылынын аталышы тууралуу эл оозунда башка варианттар дагы айтылып келет.

Илгери ата-бабаларыбыз сууга мол жердин, жана суунун башын Алыш деп аташкан. Чындыгында эле башка айылдарга салыштырмалуу Алыш айылы сууга мол. Жайында, кышында дагы суу токтобойт.

Илгертеден бери айылдын жаштары ар дайым оюндардан алдыңкы орундарды алып келишкен. Ошол себептен дагы айылды Алыш деп атап коюшкан», - деди А.Адам уулу.

Айылдын калкы көп улуттуу, өзбек, тажик, түрк, немис улуттары жашайт. Калктын саны 2 миңден ашуун.
Тургундар негизинен мал чарбачылык, дыйканчылык менен алектенишет.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 6630
Элдик уламыштар
×