Бөлүмдөр
Шаршемби, 12-декабрь
Баткен облусуБаткен району 11.05.2016 08:48

Элдик уламыш: Баткендеги эки көздүү булак жайгашкан Булак-Башы айылы

Turmush -  Баткен районуна караштуу Булак-Башы айылынын аталышы суунун башы болгону менен байланыштуу. Айылда эки көздүү булак бар болгондуктан Булак-Башы аталып калганын айтып жүрүшөт. Бул тууралуу тарыхчы мугалим Гыламидин Абдырахманов айтып берди.

«Мезгилинде азыркы Төрт-Гүл суу сактагычы курулганга чейин (1971-ж) Баткен районунун аймагындагы, айрыкча Баткен шаарына канатташ айылдар булактын суусун пайдаланып турушкан. Булак-Башы айылынын аймагында эки бөлүктөн турган эки көздүү, суусу муздак булак азырга чейин сакталып келет.

Мурун келиндер жаңыдан уйлардан саалган сүттүн каймагын алуу үчүн алгач чаначка сүт куюшуп, бишкеги менен кошо ошол булактын көзүн байлап коюшкан. Алар бул жерди “Булак-Башы” деп атап алышат. Бара-бара бул булак көлдүн айланасына элдер отурукташа башташат. Ошондон улам айылдын аты Булак-Башы деп аталып калган», - деди Абдырахманов.

Аталган айылдагы 400 кожолук дыйканчылык жана мал чарбачылыгы менен алектенишет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×