Бөлүмдөр
Бейшемби, 20-сентябрь
Баткен облусуБаткен району 12.04.2016 12:59

Элдик уламыш: Кышкысын 3 ай күн тийбей, жайкысын 3 ай бою ай чыкпаган Кыштут айылы (фото)

Turmush -  Баткен районуна караган Кыштут айылы тоонун боорунда жайгашкандыктан кыш мезгилинде күн тийбейт. Айыл катары менен тизиле өскөн тыттардан улам Кыштут аталып калганын айылдын тургуну Каныкей Келдибекова айтып берди.

«Илгери айылдын босогосунда төрт тыт дарагы өскөн. Ал тыттар айылдын жашоочуларын тоюнтуп турган. Сырттан келген коноктор да кош тыт аркылуу айылды таап келишчү. Бул жер кош тыт аталып жүрүп, Кыштут болуп калган.

Дагы бир уламышта айылда тоолор, шаркырап аккан дарыялар көп болгондуктан куштар көп келгени айтылат. Андан улам айылды куштардын мекени деп атап коюшкан. Айыл тургундары куштарга аңчылыкка чыгып, "куштарды карма", "кушту тут" деп бири-бирине айтып отуруп, Кыштут деген аталыш келип чыккан.

Айыл тууралуу эл арасында дагы бир уламыш айтылып келет. Кайсы бир жылы аба ырайы катуу суук болот, бул мезгилде үч ай күн тийбейт. Кыш мезгили узап, күн тийгенде да айылда кыштагыдай суук болот. Башка айылдын элдери бул айылды кайсы мезгилде барсаң да кыштай суук деп жүрүп, Кыштут аталып калган», - деди айыл тургуну.

Айыл тоо боорунда жайгашкандыктан күн тийбейт. Сел кырсыктары да көп болот, дешет айылдыктар. Кыштут айылында кыш мезгилинде 3 ай күн тийбейт, жайкысын 3 ай бою ай чыкпайт.

Дыйканчылык кылууга ыңгайлуу аймак.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×