Бөлүмдөр
Бейшемби, 20-сентябрь
Баткен облусу, Сүлүктү 12.02.2016 13:38

Фото - Тоонун этегиндеги булактарды сүлүк курттар каптаган Сүлүктү шаары

Turmush -  Баткен облусуна караштуу Сүлүктү шаары Орто Азиядагы Түркестан кырка тоолорунун түндүк капталында, деңиз деңгээлинен 1380 метр бийиктикте жайгашкан. Чек арасы Лейлек району менен чектешип турат. Сүлүктү шаары 1968-жылы түзүлгөн. 2018-жылы 150-жылдык мааракесин белгилөө пландалууда.

Улуу Октябрь Социалистик революциясына чейин бул чөлкөмдө ар кайсы тоолордун этегинде булактар чыгып, ал булактарда кадимки сүлүк курттар көп болгон. Ошол себептен бул шаардын аты Сүлүктү шаары деп аталып калган.

Азыркы кезде статистикалык маалымат боюнча бул шаарда көп улуттун өкүлдөрүнөн 22 миңден ашык эл жашайт.

Калктын негизги бөлүгү көмүр өндүрүү менен алектенет. Көмүр өндүрүүнүн көлөмү жыл сайын жогорулап, 2015-жылы 246 миң тоннадан ашык көмүр өндүрүлгөн. Азыркы убакта көмүр өндүрүүчү ишканалардын саны 26га жетет.

Шаардан 10 чакырым алыс жерде Кош-Булак кыштагы жайгашкан, шаардын калкынын көпчүлүк бөлүгү ошол жерде жашайт. Шаарга караган айылдардын саны 3, жакынкы аэропорттон алыстыгы 25 чакырым. Шаарда агын суу жок, таза сууну Тоо-Жайлоодон (Тегирменти) алышат.

Калктын улуттук курамы көп улуттуу болуп, кыргыздар - 16 миң 504, орустар - 486, татарлар - 673, өзбектер - 4353, казактар - 49, тажиктер - 155, чечендер - 7 жана башка улуттун өкүлдөрү бар.

Калктын социалдык курамы эркектер — 10 миң 919, аялдар —  11 миң 329.

Мектептердин саны 9га жетип, мектепке чейинки билим берүүчү 6 мекеме бар жана кесиптик лицей, жогорку окуу жайдын филиалы, аймактык оорукана, маданият үйү, стадион, спорт аянта спорт аянтча, 3 китепкана иштейт.

Ошондой эле аймактык коомдук өз алдынча башкаруу боюнча 10 орган, коомдук алдын алуу борбору, ардагерлер кеңеши, аялдар кеңеши, аксакалдар соту иш жүргүзөт.

Шаардын климаты суук, кыш мезгили оор болуп, узакка созулат. 

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×