Бөлүмдөр
Дүйшөмбү, 10-декабрь
Баткен облусуЛейлек району 10.02.2016 12:15

Элдик уламыштар: Лейлектеги мүрөктүн суусундай тунук Козу-Баглан дарыясынан суу ичкен адамга суктангандар көп болгон (фото)

Turmush -  Лейлек районунда узундугу 110 чакырымды түзгөн Козу-Баглан дарыясы Катран айыл аймагындагы Түркестан кырка тоолорунан башталып, аталган райондун Лейлек, Бешкент, Катран айыл аймактарын аралап, Тажикстандын Согди облусуна өтөт. Жергиликтүү жашоочулардын арасында бул дарыянын аталып калышы тууралуу ар кандай уламыштар айтылып келет.

Уламыштардын биринде айтылгандай, тоолорду аралап өткөн мүрөктүн суусундай тунук дарыянын суусунда алтын кошулмалары бар болгон. Миң дартка даба болгон бул дарыянын суусун ичкен өрөөндөгүлөргө суктангандар көп эле.

Ошондуктан башка элдер Козу-Баглан дарыясын кечип өткөн аттын туягын чайкап ичкен деген сөздөр азыркыга чейин айтылып жүрөт.

Дарыянын Козу-Баглан аталып калышы тууралуу да уламыштар айтылып келет.

Илгери байдын Баян аттуу сулуу кызы Козу деген койчу жигитти сүйүп калат. Аны билип калган бай намыстанып, кызын башка байдын баласына күйөөгө бермекчи болот. Той жакындап калган айлуу түндө күркүрөп аккан дарыянын жээгинде жолуккан эки жаш ызасына чыдабай бойлорун сууга ташташат. Ошондон улам Козу-Баглан деп аталып калгандыгы айтылып келет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×